Во организација и раководство на Центарот за интеркултурен дијалог (ЦИД) – Куманово, во рамки на програмата на општинскиот младински центар MultiКулти, во соработка со Територијалната противпожарна единица (ТППЕ) – Куманово, се одржа обука за млади на тема „Подготвеност за пожари“.
На едукативниот настан во младинскиот центар MultiКулти, командирот на ТППЕ Куманово – Борис Станковски и пожарникарите Фљамур Милаими, Душан Цаневски и Филип Костовски, презентираа за заштита од пожари и ги запознаа младите со противпожарната опрема.
Во надворешни услови беше изведена демонстративна вежба, со учество на професионални пожарникари.
Целта на оваа обука е зголемување на свесноста кај младите за безбедноста и правилното постапување во случај на пожар.
На настанот присуствуваше службеникот за млади од Општина Куманово, Мартин Крстиќ.
Извор: Општина Куманово
