Општина Гевгелија ќе отуѓува 5 градежни парцели во сопственост на РСМ со намена домување во станбени куќи, преку електронско јавно наддавање. Парцелите за домување во станбени куќи се наоѓаат на м.в. „Караорман“, со површини што се движат од 441 до 517 метри квадратни.
Почетната цена за градежните парцели за домување во станбени куќи изнесува 61 денар од метар квадратен.
Продажбата на парцелите ќе се одвива по пат на електронско јавно наддавање (www.gradezno-zemjiste.mk). Јавното наддавање за градежните парцели за домување во станбени куќи ќе се спроведе на 20 мај 2026 година, почнувајќи од 09:00, во траење од 15 минути за секоја парцела.
Заинтересираните правни и физички лица пријавите за учество на јавното наддавање треба да ги достават по електронски пат на следната интернет-страница: www.gradezno-zemjiste.mk, до 18 мај 2026 година.
Подетални информации за условите за учество, потребната документација и критериумите се достапни во Објава бр. 1/2026.
Извор: Општина Гевгелија
