Велес: Градоначалникот Коцевски на настан на Хабитат Македонија за значењето на енергетската ефикасност во домувањето

ОпштиниВелес: Градоначалникот Коцевски на настан на Хабитат Македонија за значењето на енергетската...
spot_img

Најчитано

spot_img
spot_img

На градилиштето на Хабитат Македонија во Велес денеска се одржа брифинг настан на кој Градоначалникот Коцевски, Вицепремиерот Фатмир Битиќи, претставникот на УСАИД во Република Северна Македонија Ерик Јановски, потпретседателот на Habitat humanity international за Европа, Блискиот Исток и Африка, Рик Хатавеј,  Министерката за култура Ирена Стефоска и Националниот директор на Хабитат Македонија, Зоран Костов, разговараа на прашања поврзани со климатските промени и енергетската ефикасност на живеалиштата  кои се на агендата на централните и локалните власти. Тие разговараа за влијанието на националната економија и благосостојбата на луѓето, намалувањето на емисиите на јаглероден диоксид , енергетската сиромаштија  и потребите на ранливите категории како и за улогата на граѓанскиот секрор и социјално мотивираните инвеститори.

„Сакам да се заблагодарам на Хабитат за поддршката што ни ја дава и за други проекти кои заеднички ги реализиравме во изминатито период и на Хабитат на интернационално ниво за тоа што се реализира овој проект во Велес, да им се заблагодарам на УСАИД и на претставниците на Владата за поддршката што ја даваат на Велес и на други општини за реализација на проекти за енергетска ефикасност со кои не само што се штеди енергија туку и се подобрува квалитетот на живеењето од една страна а од друга страна се подобрува и квалитетот на животната средина. Пред извесно време го завршивме проектот за реконструкција на покривот на осноното училиште во Башино Село со поддршка на Хабитат. А сега ни доделија и донација во вредност од 5 илјади евра за реконструкција на кровот на училиштето во село Црквино“, истакна Градоначалникот Коцевски.

„Имањето на сопствен дом е едно од базичните потреби на секој човек за да чувствува сигурност и за да може да придонесе во општеството. Затоа за мене градењето на домови за оние кои се соочуваат со потешкотии е една од најхуманите акции кои можат да се направат. Сакам да се заблагодарам на Хабитат кои досега изградија шест стамбени објекти во Велес со што се овозможува дом на повеќе семејства со ниски примања. Дополнителна вредност е тоа што овие домови се енергетско – ефикасно изградени со помош на волонтери од целиот свет“, истакна Битиќи.

„Секој човек сонува да има свое гнездо, свој дом, своја стреа. Хуманоста, солидарноста, правдата и правичноста а особено негувањето на културата на волонтирање се вредности вградени во дејствувањето на Хабитат“, истакна министерката за култура Стефоска.

За време на настанот Градоначалникот Коцевски заедно со министерката и вицепремиерот  учествуваа на волонтерска градежна акција на шестата зграда во населбата Хабитат.

Извор: Општина Велес

spot_img
spot_img
spot_img

Последни објави

spot_img
spot_img
spot_img
spot_img
spot_img
spot_img
spot_img
spot_img

Читај повеќе

spot_img
spot_img