Од 11 до 13 октомври 2021 во Подгорица ќе се одржи четвртиот Дигитален Самит за земјите од Западен Балкан (WB6), на кој учесниците ќе имаат можност да разменат добри практики и достигнувања во процесот на дигитална трансформација, како и да ги дефинираат идните насоки на дејствување.
Регистрацијата за учество на настанот, кој ќе се одржи во хибриден и онлајн формат, е отворена.
Заинтересираните ќе можат да се пријават на линкот: https://bit.ly/DSWB_Registration.
Настанот, во организација на Министерството за јавна администрација, дигитално општество и медиуми на Црна Гора, е еден од најважните настани во областа на дигитализацијата и на едно место ќе ги собере претставниците на регионални влади на високо ниво, Европската комисија, Советот за регионална соработка, деловните заедници, граѓанските организации и релевантните засегнати страни.
Извор: Министерство за информатичко општество и администрација