Целта на Студијата е унапредување на севкупното ниво на сообраќајна услуга и зголемување на безбедноста за сите учесници во сообраќајот преку дефинирање на најоптимално сообраќајно решение со воведување на еднонасочен режим на движење и стационарен сообраќај (паркирање) на постојна состојба на уличната мрежа во населба Автокоманда.
Поради активните мерки за заштита на граѓаните од КОВИД-19, донесени од страна на Владата, општина Гази Баба го продолжува рокот на јавната презентација за предлог студијата. Граѓаните ќе имаат можност да поднесат забелешки и преку електронски пат доставувајќи ги своите предлози или забелешки на меил адресата gradonacalnik@gazibaba.gov.mk
Извор: Општина Гази Баба
