Денес, во Големата сала на општина Охрид, по иницијатива на советникот на ЛЕВИЦА Виолета Аврамоска и Локалното координативно тело на ЛЕВИЦА Охрид, беше одбележан Меѓународниот ден на лица со попреченост.
Оваа иницијатива беше поддржана од Градоначалникот на општина Охрид, Секретарот на општина Охрид и Претседателот на советот.
Денес вратата на општината за прв пат беше отворена за народот. По толку години игнорирање од претходните локални власти, оваа категорија граѓани имаа можност да се обратат до јавноста и да проговорат за своите проблеми.
Левица – Охрид преку Советот на Општина Охрид, ќе продолжи да се бори за подобрување на квалитетот на животот на лицата со посебни потреби. Следниот чекор е обезбедување просторија за дневен престој на деца со посебни потреби, со што ќе им се овозможи нивна социјализација и поквалитетен живот.
Извор: ЛЕВИЦА
