На почетокот на постдипломските студии на Универзитетот за туризам и менаџмент во Скопје нашиот олимпиец Дејан Георгиевски ја доби својата стипендија за магистерски студии која му ја врачи Ректорот проф. д-р Аце Миленковски.
Ректорот на Универзитетот за туризам и менаџмент пред три години му додели стипендија на овој млад и надежен спортист. Денес како веќе докажан и препознаен спортист неговиот пат треба да продолжи кон успесите како во спортот така и во образованието. Токму затоа фондацијата проф. д-р Љубе Миленковски основана од ректорот на универзитетот на Дејан Георгиевски му додели и стипендија за магистерски студии.
Ректорот се обрати кон олимпиецот и својот студент Дејан Георгиевски изразувајќи ја својата благодарност кон него за тоа што не направи горди со неговиот успех и го обели не само својот образ, го обели образот и на своето семејство, на своите тренери, на Македонскиот Олимписки Комитет, го обели образот на УТМС и на цела Македонија.
