Регионалната канцеларија за младинска соработка (RYCO), државниот министер за млади и деца на Албанија и Министерството за образование и спорт на Албанија го организираа регионалниот министерски состанок за млади и образование во Тирана.
Присуствуваа министрите и замениците министри задолжени за млади и образование на земјите од Западен Балкан, како и министерот за образование на Италија.
Директорот на Агенцијата за млади и спорт Наумче Мојсовски, со дел од својот тим беше дел од конференцијата.
-Силно ги поздравивме напорите на RIKO за размена на иновативни младински програми, и поддршка на младинските организации од Западен Балкан.
Само со заеднички сили и работа може да постигнеме добри резултати, притоа респектирајќи ги човековите права, заложбите за мир, човековите права и различностите, истакна Мојсовски на своето обраќање во Тирана.
-Како да ги задржиме младите во фокусот на Западен Балкан е темата на којашто во Тирана, заедно со министрите одговорни за образование, спорт и млади, развиваме идеи за привлекување политики насочени кон младите, додаде Мојсовски.
Несомнено, сите учесници се согласија дека младите во земјите од регионот се соочуваат со исти предизвици и дека заедничката соработка на ресорните министерства и агенции можат значително да ја подобрат меѓусебната соработка на младите, а со тоа и условите за напредок на младите луѓе во зајакнувањето на граѓанскиот активизам, обезбедување услови за вработување на младите луѓе.
Ги поздравивме резултатите од Berlin Process’s Western Balkan Youth Forum 2021 и Регионалната младинска агенда, развиена од млади луѓе од Западен Балкан, изразувајќи воља истите да бидат применети во пракса од страна на надлежните институции.
Младите се нашата иднина и заслужуваат да бидат слушнати и нивниот глас да биде наша насока во кој правец треба да ги креираме политиките кои се однесуваат на нив.
Агенција за млади и спорт е вистински и искрен партнер на младинските организации и на секој млад човек и заеднички и во иднина ќе продолжиме да работиме на заедничката цел – да создадеме услови и клима за младите луѓе да ги реализираат своите идеи и да напредуваат!
Извор: Агенција за млади и спорт
