Тековните состојби меѓу двете министерства во однос на заедничките проекти, развојот на капацитетите и достигнувањето на европските стандарди поврзани со дигитализацијата, беа теми на вчерашната средба меѓу министерот за информатичко општество и администрација Адмирим Алити и министерот за внатрешни работи Оливер Спасовски.
Во фокусот на разговорите беше проектот поврзан со електронските лични карти, за што ќе се засилат активностите и уште повеќе ќе се интензивира соработката меѓу МИОА и МВР со цел реализирање на поставените цели и обврски.
Двајцата министри разговараа и за електронскиот регистар на население, оценувајќи ја досегашната соработка како успешна. Воедно се согласија дека е неопходно да се зголеми пристапот на што повеќе институции во овој регистар. Се разговараше и за е-услугите, за интегрирање на овие услуги меѓу двете министерства.
Извор: Министерство за информатичко општество и администрација
