spot_imgspot_img
spot_img
spot_img
HomeВладаВицепремиерот Маричиќ: Секој граѓанин може да помогне во процесот на европеизација

Вицепремиерот Маричиќ: Секој граѓанин може да помогне во процесот на европеизација

Заменик претседателот на Владата за европски прашања, Бојан Маричиќ утрово беше гостин во утринската емисија на телевизија Канал 5, зборуваше за придобивките од евроинтеграцијата на земјава и рече дека искористувањето на можностите кои ни ги нуди членството во Унијата е можност да си го подобриме животот, но и дека секој граѓанин може да помогне во европеизацијата на општеството.

– Нашите заложби да станеме дел од Европската Унија значат дека се стремиме кон создавање посредена држава, а можностите за членка на ЕУ значат можност за подобрена инфраструктура, подобри патишта, железници и сл., повеќе можности за развивање на бизнисите, подобро образование, преку поголема поддршка од европските фондови за да постигнеме подобар квалитет на живот за нашите граѓани, повисок стандард, и воопшто повеќе можности, рече Маричиќ. Тој додаде дека задача на Владата е да ги трансформира институциите преку владеење на правото, преку подобрени закони кои важат подеднакво за сите и кои се применуваат без отстапки, посочувајќи дека секој граѓанин може да помогне во процесот на европеизација на земјата доколку ги почитува законите и прописите кои важат во земјата.

На прашањето дали постои друга алтернатива на земјава освен интергацијата во ЕУ вицепремиерот Маричиќ рече дека алтернативи има, но дека членството во ЕУ е наша стратешка определба уште од 90-тите години и земјата не се определува за друга алтернатива бидејќи таквата алтернатива може да ги стимулира граѓаните да бараат начини како да одат да работат во некоја од земјите членки на Унијата.

-Ние сакаме со нашиот пасош и државјанство да ги имаме сите оние придобивки кои ги имаат граѓаните на ЕУ, рече Маричиќ.

Вицепремиерот Маричиќ посочи и дека проблеми имаат сите земји и дека не очекува проблемите автоматски да исчезнат со самото членство во ЕУ, но според него кога земјата е дел во еден таков голем систем ги има на располагање механизмите на тој систем, со кои помага да се решат проблемите полесно.

 

 

 

Извор: Секретаријат за европски прашања 

Прочитајте

Бутел: По 40 години реконструкцијата на улицата “Натанаил Кучевишки”

0
Нема запирање кога се работи за доброто на граѓаните и за нивните потреби. Денес, започна реконструкцијата на улицата “Натанаил Кучевишки” со површина од 3000...