Вицепремиерот за европски прашања Бојан Маричиќ оствари средба со директорот на Националната агенција за европски образовни програми и мобилност, Марко Ѓоргиевски, на која се разговараше за тековните активности на агенцијата и приоритетите во следниот период, со фокус на промоцијата и спроведувањето на европските програми во областа на образованието, младите, обуката и спортот.
На средбата беше разговарано за важноста од постојаната соработка и консултации со Секретаријатот за европски прашања, како партнер во креирањето на нови можности за граѓаните на нашата земја, како и остварување на приоритетите во областите: животна средина и борба против климатски промени, дигитална трансформација и инклузија.
Вицепремиерот Маричиќ на средбата ја истакна важноста на активностите на агенцијата, како и на организациите и институциите корисници на програмата, во насока на обезбедување подобри услови и перспективи за нашите млади, бидејќи тие со нивните идеи, визија и енергија се носители на развојот во општеството.
Во разговорот со директорот на Национална агенција за европски образовни програми и мобилност, Марко Ѓоргиевски, од страна на вицепремиерот Маричиќ беше ставен акцент на новиот програмски циклус на Еразмус+ програмата 2021-2027 година и можностите што ги нуди, како и важноста на промоцијата и презентирањето на успешни проекти, кои ќе бидат поттик за младите на развиваат идеи и да се вклучат во процес што несомнено носи позитивни општествени промени.
