Министерот за надворешни работи на Република Северна Македонија, Бујар Османи, денес, оствари работна средба со амбасадорката на Обединетото Кралство на Велика Британија и Северна Ирска во Скопје, г-ѓа Рејчел Галовеј.
Двајцата соговорници ги поздравија одличните билатерални односи кои постојат меѓу двете пријателски земји, при што министерот Османи се заблагодари за активниот ангажман и посветеноста на Обединетото Кралство за одржување на стабилноста и економскиотпросперитет на Западниот Балкан.
На средбата беа разменети мислења за ризиците од пошироки импликации на кризата, како и ургентноста од поблиска соработка меѓу Европската Унија и НАТО за сочувување на безбедноста на европско тло.
