ЈПКД „Комуналец“ и општина Струмица донираа специјално возило за смет на општина Босилово. Одлуката ја донесе Управниот одбор на „Комуналец“ која доби и „зелено светло“ од страна на Советот на општина Струмица.
Градоначалникот Костадин Костадинов вели дека Општините не смеат да се делат на големи и мали, ниту пак на „наши и ваши“ според политичката припадност на луѓето кои ја сочинуваат локалната власт. Потребите на граѓаните немаат партиска обоеност. Токму поради тоа, денешната солидарност на дело треба да биде вистински урнек за сите општини во државата.
Извор: Општина Струмица
