Министерот за животна средина и просторно планирање Насер Нуредини потпиша Меморандум за соработка со директорката на Центарот за истражување и информирање за животната средина Еко-свест Ана Чоловиќ Лешоска за проектот „Граѓанските организации во акција за климатските промени“.
Проектот ќе се реализира како соработка на Центарот за истражување и информирање за животната средина Еко-свест, Македонското здружение на млади правници (МЗМП) и Организација за поврзување на природните вредности и луѓето (ЦНВП), а е поддржан од Шведската меѓународна агенција за развојна соработка (Sida).
Со потпишувањето Меморандумот за соработка МЖСПП ги потврдува своите заложби за градење на силно и енергично граѓанско општество кое игра значајна улога во процесите на декарбонизација, трансформација и ревитализација на општеството, важни за развојот на зелената економија, обезбедувањето на чиста животна средина и зачувување на здравјето на граѓаните во Рeпублика Северна Македонија.
Извор: Министерство за животна средина и просторно планирање
