МП: Конференција ,,Отворено за корупцијата во спортот во фокус мерката ваучери” која се одржа во Струмица

Министерот за правда Никола Тупанчески учествуваше на Конференцијата  ,,Отворено за корупцијата во спортот во фокус мерката ваучери” која се одржа во Струмица. Во своето обраќање тој се осврна на антикорупциската правна рамка која ги инкриминира делата на корупцијата и утврдува инструменти за превенција на корупција, применливи во сите области, вклучително и во областа спорт.

,,Значаен аспект во борбата против корупцијата е  подготовката на Регионалниот патоказ за борба против корупцијата и нелегалните финансиски текови, на која учествуваше и Министерството за правда на Република Северна Македонија, усвоен од високи владини претставници од јурисдикциите на Западен Балкан, на 25 јуни 2021 година во Охрид. Овој патоказ ги одразува заложбите за продлабочување на регионалната соработка и зајакнување на колективниот одговор за превенција и борба против корупцијата согласно највисоките меѓународни  стандарди. Една од целите за зајакнување на одговорот на правосудството наспроти корупцијата и економскиот криминал, претставува вмрежувањето на специјализирани обвинители, органи за спроведување на законите и единици за финансиско разузнавање  кои се вклучени во истрагата и прогонот на кривичните дела”, рече Тупанчески.