Поддршката на младинското учество во развивањето на ефективни младински политики и носењето одлуки заедно со институциите е значајно за обезбедување на подобар живот на младите и за јакнење на демократските капацитети во нивната заедница. Младите треба да бидат активни и ангажирани затоа што нивното учество го гледаме како дел од решенијата за подобар и побезбеден свет.
Земајки ги во предвид специфичните потреби, барања и интереси на младите од локалната заедница Агенцијата за млади и спорт преку реализација на проектот “Поддршка на младинското учество во животната средина и климатските промени ” финансиски поддржан од УНИЦЕФ , започнува со реализација на вториот циклус од проектот во кој се опфатени 6 општини кој ќе се реализира во текот на годината. На 17.04.2024 беше одржан првиот координативен состанок со службениците за млади од одбраните општини кои беа запознаени со проектните активности и цели. На состанокот беа присутни и службениците за млади од општините Берово, Новица Печински и од Гевгелија, Петар Јанчев кои беа дел од првиот циклус на проектот и ги пренесоа своите искуства од реализација на проектот во нивните општини.
Извор: Агенција за млади и спорт
