Министерот за информатичко општество и администрација (МИОА), Адмирим Алити завчера се сретна со директорот на Агенцијата за катастар на недвижности, Борис Тунџев.
“ Со директорот разговаравме за можностите за соработка и за напорите за дигитализирање на услугите, со цел да се олесни работата на институциите и животот на граѓаните”, рече министерот Алити
Алити нагласи дека Министерството за информатичко општество и администрација е отворено и ја поздравува секоја соработка што ја зголемува ефикасноста на работата на јавните институции.
Странките се договорија средбите да ги продолжат и во иднина.
