Во тек се подготовките за „Валандовска Ракијада“ 2022 година. Истата, претставува настан од големо значење за нашата заедница и ја симболизира локалната посебност и вредност.
Годинава, манифестацијата ќе се одржи на 15 октомври (сабота), на градскиот базен во Валандово, со почеток во 9 часот.
„Валандовска Ракијада“ е традиционален настан со изразито културолошко значење за општината, која за прв пат е организирана во 2000 година со цел да ја одржи долгата традиција на подготовка на ракија. На истата, се јавуваат учесници од повеќе генерации кои се натпреваруваат преку марифети пренесувани децении наназад во нашите семејства.
Извор: Општина Валандово
