Државната секретарка во СЕП и заменик главен преговарач со ЕУ, Дрита Абдиу-Халили имаше средба со амбасадорот на Кралството Шпанија во Северна Македонија, неговата екселенција Хозе Луис Лоазано Гарсија.
На средбата се разговараше за важни теми поврзани со меѓусебната соработка на двете земји, особено во контекст на процесот на отпочнување на преговорите за членство на Северна Македонија во Европската Унија.
Амбасадорот Лозано Гарсија ја потврди безрезервната поддршка на Шпанија за евроинтеграцискиот пат на нашата земја и ја истакна важноста на продлабочувањето на понатамошната соработка меѓу двете земји како на економски, така и на културен план. Абдиу- Халили и Лозано Гарсија се согласија дека соработката меѓу двете земји треба да продолжи уште повеќе во иднина и да се прошири и интензивира.
