spot_imgspot_img
spot_img
spot_img
HomeВладаПремиерот Ковачевски ги посети децата кои се лекуваат на Клиниката за детски...

Премиерот Ковачевски ги посети децата кои се лекуваат на Клиниката за детски болести

Претседателот на Владата на Република Северна Македонија Димитар Ковачевски вчера ги посети децата кои се лекуваат на хемато-онколошкото одделение на Клиниката за детски болести во Скопје и им подари новогодишни пакетчиња. Ковачевски на малите пациенти им посака што побрзо да ја победат болеста и да се вратат дома кај своите семејства.

„Подароците се надевам дека ќе бидат од помош што полесно и побрзо да ги пребродите болничките денови. Вашата битка е поголема од сите битки на нас возрасните, за восхит е вашата храброст и енергија што ја имате. Посакувам многу здравје и среќа и што побрзо да се вратите дома, во училиште кај вашите другарчиња, на игрите со вашите врсници. Ова ѕвоно што означува крај на третманите посакувам во новата година што почесто да ѕвони. На медицинскиот персонал од Клиниката им посакувам многу здравје да продолжат да бидат неуморни и посветени на работата, а Клиниката да има што помалку пациенти“, рече претседателот на Владата.

На Клиниката за детски болести на хемато-онколошкото одделение во моментов задржани на лекување се 14 деца, а 36 дечиња примаат терапија.

 

 

 

Извор: Влада

Прочитајте

МЗ: Средба со директорот на ФЗОМ – Разгледани можностите за проширување...

0
Министерот за здравство Арбен Таравари одржа состанок со директорот на Фондот за здравствено осигурување, д-р Александар Клековски, претставници на Фарамабренд-Нова (асоцијација на иновативни фармацевтски...