Во свечената сала на Владата на Република Северна Македонија се одржа третиот состанок по ред на Работниот комитет за европска интеграција – РКЕИ, со кој претседаваше Државната секретарка и заменик главен преговарач со ЕУ, г-ѓа Дрита Абдиу.-Халили.
На средбата Абдиу-Халили информираше за статусот на евроинтеграциските преговори и текот на скрининг процесот меѓу нашата земја и Европската комисија. Се констатира дека успешно е завршен објаснувачкиот и билатералниот скрининг за Кластер 1 – „Фундаментални вредности“, додека во јануари ќе започнат билатералните состаноци за Кластер 2 – „Внатрешен пазар“.
На средбата беа разгледани обврските од билатералниот скрининг за кластер 1 „Фундаментални вредности“, односно поглавјата: Јавни набавки, Статистика, Правда, слобода и безбедност, Судство и основни права, Финансиска контрола, како и областите кои се дел од овој кластер и тоа: Реформа во јавната администрација и економските критериуми. Исто така на дневен ред на Работниот комитет за европски интеграции беше и статусот на реализација на програмата – Инструментот за претпристапна помош. (ИПА).
Работниот комитет за европски интеграции (РКЕИ) е работно тело на Владата на Република Северна Македонија за координација и имплементација на Спогодбата за стабилизација и асоцијација помеѓу Република Северна Македонија и Европската Унија, како и координација на активностите поврзани со кон пристапниот процес на земјата во ЕУ.
