На 30.01.2023 година во Клуб на пратеници, Министерството за информатичко општество и администрација во соработка со членовите на Работната група задолжена за изготвување на Националната стратегија за сајбер безбедност на Република Северна Македонија 2023-2027, организира состанок на кои што присуствуваа професори од акедамскиот сектор и други клучни лица од сајбер областа.
На состанокот се елаборираше Нацрт верзијата на Националната стратегија за сајбер безбедност на Република Северна Македонија 2023-2027 и воедно се даде можност на присутните на состанокот од академскиот сектор да ги произнесат своите ставови и видувања во однос на истата.
Целта на состанокот беше овозможување на транспарентен процес при изготвување на стратешки документ, каде што сите засегнати страни и професионалци од областа ќе ги искажат своите коментари и ќе придонесат во градење на ефикасна Стратегија, која понатаму ќе биде спроведлива во пракса.
Забелешките од сите присутни, Работната група ги зеде во предвид, како и се нотираше дека соработката ќе продолжи и понатаму се додека не се реализира и финализира предметната Национална стратегија за сајбер безбедност на Република Северна Македонија 2023-2027.
Извор: Министерство за информатичко општество и администрација
