Во Телавив е потпишан Договор за соработка меѓу Владата на Република Северна Македонија и Владата на Државата Израел во областа на електронските комуникации и поштенските услуги.
Договорот го потпишаа министерот за информатичко општество и администрација Адмирим Алити и министерот за телекомуникации на Израел Шломо Караи.
Владата на Република Северна Македонија и Владата на Државата Израел, имајќи го во предвид развојот на односите од областа на електронски комуникации и пошта, како главен фактор за унапредување на трговската и техничката размена, како и за економски и социјален развој на секоја земја, одлучија да ја зголемат својата соработка преку овој договор.
Меѓу другото договорот има за цел размена на искуства, знаења и практики поврзани со електронските комуникации и поштенските услуги и нивна модернизација.
Извор: Министерство за информатичко општество и администрација
