Утре сабота (8.4.2023) со почеток во 12ч ќе се одржи хуманитарен настан за Никола Ѓорѓиев под мотото “Веселиот панаѓур за малите искрени срца” во дворот на ООУ Лазо Трповски.
Целта на настанот е да се соберат средства за понатамошно лекување на 19 годишниот Никола Ѓорѓиев, дете без родители на кое за жал му е дијагностициран канцер на коските. Идејата на настанот е преку игра, музика, забава и едукација на најмладите (цртање, изработка на ракотворби, мини зоолошка градина, едукација за правилно одржување лична и орална хигиена, мини базар и сл.) да се помогне за да се спаси еден млад живот.
Настанот е во организација на Општина Карпош и друштвото за маркетинг „Фанки Макси“.
Извор: Општина Карпош
