Министерот за информатичко општество и администрација Азир Алиу вчера оствари работна средба со Претседателот на Република Северна Македонија, Стево Пендаровски.
На средбата беа разменети искуства во однос на дигитализацијата и се разговараше за продлабочување на соработката.
,,Наш приоритет како министер и министерство е преку дигиталната револуција да дојде до процес на трансформација со што ќе се постават темелите на безбеден антикорупциски систем во услугите за граѓаните. Дигитализацијата и иновациите се главниот клуч за модерна и европска јавна администрација и ние се стремиме кон тој европски дух на државно управување“, истакна министерот Алиу.
Извор: Министерство за информатичко општество и администрација
