spot_imgspot_img
spot_img
spot_img
HomeМинистерстваМТСП: Погрешен е пристапот за добивање на ситни политички поени на грбот...

МТСП: Погрешен е пристапот за добивање на ситни политички поени на грбот на децата

Остро го дематираме и отфрламе написот на градоначалникот на општина Гази Баба, Бобан Стефковски дека вработени во Министерството за труд и социјална политика се под силен притисок на раководството за донесување на незаконски одлуки за одземање на ингеренциите ЈОУГД  „Детска радост“–Гази Баба.

Ниту еден вработен во Министерството за труд и социјална политика кој е поврзан со инспекциски надзор, ниту одговорен во делот на детска заштита не користи боледување во овој момент.

 

Исто така институцијата посочува дека вработените се докажани професионалци во својата област, без никакви особини да потклекнуваат на притисоци од било која страна, посебно не од страна на министерката која е нивна долгогодишна колешка.

Сите акти кои ги носи Министерството за труд и социјална политика се поткрепени врз основа на закон, додека политичка борба и политиканство на грбот на децата и детската заштита води токму градоначалникот на општина Гази Баба, Бобан Стефковски.

Одземените надлежности на градоначалникот се резултат на прекршување на законот од страна на управниот одбор на ЈОУГД  „Детска радост“–Гази Баба и на прекршување на законот од страна на градоначалникот Бобан Стефковски, при водење постапка за разрешување на директор.

Министерството за труд и социјална политика апелира, градоначалникот Бобан Стефковски да прекине да шири лажни вести и дезинформации и при тоа да создава конфузија и немир помеѓу родителите на децата кои се згрижени во ЈОУГД  „Детска радост“, а сето тоа за ситни политички поени по што и е препознатлив.

 

 

Извор: Министерство за труд и социјална политика 

Прочитајте

Градоначалник Манчев: Од 2021 година си поставив за цел да го...

0
1. Какви реформи се случуваат во општинската администрација во Босилово? Реформите во делот на администрацијата се случуваат со законски измени или дополнувања на законите на предлог на Владата...