spot_imgspot_img
spot_img
spot_img
HomeВладаМаричиќ: Со јасна временска рамка за идно проширување на ЕУ до брзи...

Маричиќ: Со јасна временска рамка за идно проширување на ЕУ до брзи реформски резултати дома

Заменик претседателот на Владата задолжен за европски прашања Бојан Маричиќ вчера се обрати на првиот билатерален форум на македонски и шпански тинк-тенк организации, во сесијата посветена на евроинтеграциите и на политиката на проширување на ЕУ.

Вицепремиерот Маричиќ во своето излагање рече дека моменталната геополитичка ситуација предизвикана од руската воена агресија врз Украина, отвори можност за забрзана интеграција во ЕУ на земјите од Западен Балкан, но не е целта како што вели тој „да го прескокнеме преговарачкиот процес“, туку конечно да се оствари ветеното од Порто Карас.

– Планот презентиран од претседателката на Европската комисија не смее да остане само на зборови, туку практично да се примени. Потребен е предлог на маса за тоа кои се приоритетите во склоп на забрзаната интеграција, ЕУ и земјите членки тоа да го поддржат и да се креира календар за идниот период, рече Маричиќ.

Вицепремиерот и главен преговарач со ЕУ, Маричиќ, посочи дека на прашањето „Кога и како до членство“ е потребно е од наша страна да имаме интензивна реформска агенда дома, а од страна на ЕУ јасен план за членство, кое ќе ја зголеми поддршката за евроинтегративниот процес кај граѓаните.

Дискусија се отвори и за актуелната состојба во односите меѓу двете земји и потенцијалот за соработка во иднина, а во таа насока вицепремиерот Маричиќ изрази верување дека Шпанија како и досега ќе остане силен поддржувач на Северна Македонија и во пресрет на шпанско претседателство со ЕУ дека шпанската влада останува посветена на проширувањето на ЕУ со земјите од регионот.

– Потребно е да се одржи следната Меѓувладина конференција за време на шпанско претседателство, односно до крајот на годината. Ова ќе биде најдобрата инвестиција на шпанското претседателство, бидејќи интеграција на Западен Балкан во ЕУ е инвестиција во безбедноста, стабилноста и мирот во Европа, посочи Маричиќ.

Првиот билатерален форум на македонски и шпански тинк-тенк организации под наслов „Размислуваме и работиме заедно“  беше организиран од Институтот „Преспа“, на заедничка иницијатива со Кралскиот институт Елкано од Мадрид.

 

 

 

 

Извор: Секретаријат за европски прашања 

Прочитајте

ДЗС: Просечна месечна исплатена нето-плата по вработен, мај 2024 година

0
Според податоците на Државниот завод за статистика, индексот на просечната месечна исплатена нето-плата по вработен во мај 2024 година, во однос на мај 2023...