spot_imgspot_img
spot_img
spot_img
HomeМинистерстваМТВ: Бочварски - Започнуваме со реконструкција на улицата Леце Котески во Прилеп,...

МТВ: Бочварски – Започнуваме со реконструкција на улицата Леце Котески во Прилеп, инвестиција од преку 48 милиони денари

Министерот за транспорт и врски Благој Бочварски денеска оствари работна посета на општините Росоман и Прилеп и изврши увид во изградба на инфраструктурни проекти што се реализираат со поддршка од Министерството за транспорт и врски.

При посетата на општина Прилеп, со градоначалникот Борче Јовчески го потпишаа договорот за реконструкцијата на улицата „Леце Котески“, една од најфреквентни улици во општината.

Инвестиција е преку 48 милиони денари, средства обезбедени од буџетот на Министерството за транспорт и врски. Со рехабилитација на оваа улица се подигнува безбедноста за сообраќај и ќе се овозможи побрза комуникација со жителите од прилепскиот регион. Предвидено е покрај рехабилитација на основниот коловоз да се изгради и нова пешачка и велосипедска патека во должина од 2 километри.

Исто така, при посетата на општина Росоман, министерот Бочварски и градоначалникот Стојан Николов го потпишаа договорот за реконструкција на улицата “Гоце Делчев”, инвестиција од 15,2 милиони денари.

„Драго ми е што во континуитет помагаме на општините, им даваме силна поддршка за економски развој и подобрување на животот на граѓаните. Сите општини и сите граѓани ни се важни, не правиме поделби, напротив обезбедуваме урбан развој преку квалитетни проекти. Денешните посети во Росоман и Прилеп се потврда дека централната власт преку инвестиции во капитални проекти силно придонесува за развој на општините. Денеска во Прилеп започнува реконструкција на една од најфреквентните улици што ќе значи дополнителен квалитет во урбаното живеење и поврзување со другите населени места“,  потенцираше министерот Бочварски.

Овие проекти се реализираат преку проектот “Поврзување со локални патишта во општините”  за што инвестираме 70 милиони евра. До сега опфатени се преку 140 улици во над 60 општини.

 

 

 

Извор: Влада

Прочитајте

Мицкоски на средба со дијаспората во Њујорк, да се обединиме во...

0
Почитувани, Претседателот на Владата на Република Северна Македонија Христијан Мицкоски оствари средби со македонската дијаспора во Њујорк, САД. Присуствуваше на вечерната богослужба во чест на светите...