Гимназијалците од Никола Карев се победници на Европските училишни игри во кошарка кои за прв пат се одржаа во Скопје.
Женските претставнички, кои беа најдобри на државните натпревари, ученичките од СОУ „Ѓорче Петров ” од Крива Паланка го освоија одличното трето место, иако нивните очекувања беа повисоки. Повредата на најдобрата кошаркарка во тимот, како и одсуството на неколку репрезентативки беше причина за освоената бронза.
Поголемиот дел од играчите заедно со своите тренери и директори на училиштата беа на прием во Агенцијата за млади и спорт, на кој директорот Наумче Мојсовски им додели признанија, посакувајќи им да продолжат да спортуваат и да бидат исто така успешни и во сениорските тимови и репрезентации.
Да се носи националниот дрес е чест, без разлика дали се настапува во име на училиште, клуб или репрезентација, а вие тоа го направивте гордо, истакна Мојсовски.
Извор: Агенција за млади и спорт
