Со потпишувањето на Меморандумот за соработка меѓу министерот за правда Кренар Лога со градоначалникот на Могила , Драганчо Саботковски ,на жителите од оваа општина ќе им се олесни пристапот до правдата и тие повеќе нема да патуваат до Битола за да се информираат за услугите и правните совети кои може да ги добијат од вработените во подрачното одделение на Министерството за правда.
Голема благодарност до градоначалникот на општината, Драганчо Саботковски за соработката која ја имаме и отстапениот простор во рамките на општината.
Во текот на годинава драстично е зголемен бројот на барања за примарна и секундарна правна помош, што значи дека оваа кампања дава резултати и можност за поголема информираност.
Наша обврска е на сите граѓани да им обезбедиме соодветни независни и непристрасни судски механизми.Со ова на граѓаните кои се во тешка финансиска состојба ќе им се овозможи да добијат правна помош од адвокат и фер судење.На овој начин покажуваме дека се грижиме за ранливите категории граѓани.
Извор: Министерство за правда
