Решавањето на децениските проблеми во нашиот пенитенцијален систем беа вистински предизвик за оваа Влада. Свесни сме дека ни е потребна силна политичка волја, време и темелни реформи за да може заеднички да го забрзаме нашиот напредок и да ги отпочнеме преговорите со Европската Унија.
Националните здравствени политики, програми и протоколи е потребно подеднакво да се применуваат во затворите. Во затворите мора да се интегрираат особено програми за превенција, третман и грижа за посериозни болести и проблеми со менталното здравје.
Се заблагодаруваме на Советот на Европа што континуирано даваат поддршка во процесот на модернизирање и подобрување на условите во затворскиот систем за што со нивна соработка беа организирани повеќе обуки за здравствените работници.
Само непосреден и немилосрден фокус на одржување, инфраструктура и екипирање ќе ни овозможи да напредуваме понатаму и само така ќе успееме да ги решиме системските проблеми.
Извор: Министерство за правда
