Министерот за информатичко општество и администрација, Азир Алиу, денеска на средба ја прими амбасадорката на Република Грција, Н.Е. Софија Филипиду.
Министерот ја информираше амбасадорката за проектите и приоритетите на МИОА, особено во однос на дигиталната трансформација со цел подобрување на квалитетот на јавните услуги за граѓаните, како и за реформите во јавната администрација и поголема транспарентност на институциите.
На средбата се разговараше и за унапредување и зајакнување на соработката меѓу двете земји.
,,Важно е да се продлабочи соработката во областа на иновациите и дигитализацијата, во проекти кои ја подобруваат технолошката и економската инфраструктура“, рече министерот.
Според министерот Алиу, Европската Унија има многу проекти за регионот на Западен Балкан и двете земји треба да користат прекугранична соработка за заеднички проекти.
Извор: Министерство за информатичко општество и администрација
