spot_imgspot_img
spot_img
spot_img
HomeМинистерстваМОН: Повик за стипендии за додипломски, магистерски, интегрирани магистерски студии (one-tier master...

МОН: Повик за стипендии за додипломски, магистерски, интегрирани магистерски студии (one-tier master – OTM) и докторски студии на државните универзитети во Унгарија за 2024/2025 година

Програмата Стипендиум Хунгарикум (Stpendium Hungaricum) за академската 2024/2025 година за кандидати од Република Северна Македонија доделува вкупно 20 стипендии:

 

–        7 стипендии за целосни додипломски (BA/BSc) студии, во областите: земјоделски науки, општествени науки, економски науки, технички науки, природни науки, политички науки и јавно управување;

–        7 стипендии за целосни магистерски студии (MA/MSc), исто така во горенаведените области;

–        2 стипендии за интегрирани магистерски студии (one-tier master – OTM) во областа на: медицински и здравствени науки;

–        4 стипендии за целосни докторски студии (PhD/DLA) во било која област;

–        делумни студии за сите  нивоа и области на студии како што се наведени погоре

 

Доколку студиите се изведуваат на некој странски јазик, потребно е кандидатите да го познаваат тој јазик на ниво кое го бара институцијата домаќин (универзитетот).

 

Доколку студиите се изведуваат на унгарски јазик, прифатените студенти за време на првата година на студии треба задолжително да посетуваат курс за унгарски јазик, кој го нуди универзитетот каде ќе студираат и мора да го положат испитот на крајот на вториот семестар.

 

Сите подетални информации за начинот, критериумите и потребните документи за аплицирање, како и листата на студиски програми на државните унгарски универзитети  и текстот на повикот за аплицирање (Call for application 2024-2025) може да се најдат на следната веб-страница: https://stipendiumhungaricum.hu/

 

Контакт е-маил адреса: stipendiumhugaricum@tpf.hu

 

Начин на аплицирање:

 

Аплицирањето се врши исклучиво по електронски пат на следната веб-страница: https://apply.stipendiumhungaricum.hu/

 

Упатството за аплицирање на кандидатите може да се  преземе од следната веб-страница:

https://apply.stipendiumhungaricum.hu/news/new/116-call-applications-20242025-academic-year

 

Оnline системот за поднесување на потребните документи ќе биде отворен до 15  јануари 2024 година, до 14:00 часот (централно европско време).

 

 

 

Документи кои се доставуваат до Министерството за образование и наука:

 

–        изјава (преземи)

 

–        кандидатите може да достават документ за предвидени завршни оценки (доколку имаат);

 

–        кандидатите може да достават документ за освоено прво, второ или трето место на национален или меѓународен натпревар во областа за која аплицираат за стипендија (доколку имаат);

 

–        кандидатите за стипендиите за докторски студии може да достават документ за учество во  објавени научни трудови (доколку имаат);

 

–        кандидатите може да достават референци (писма за препорака) од соодветната област за која аплицираат (доколку имаат);

 

–        доколку имаат диплома од странство, да достават документ за извршена еквиваленција и нострификација на истата (може да се достави дополнително доколку сеуште учат/студираат);

 

–        документ за положена државна матура (може да се достави дополнително);

 

Учениците и студентите на државните средни училишта и универзитети ќе имаат предност во рангирањето од страна на Министерството за образование и наука.

 

Изјавите и документацијата, скенирани во PDF  формат, најдоцна до 15 јануари 2024 година треба да бидат доставени на следнава e-mail адреса: stipendiumhungaricum@mon.gov.mk

 

 

 izjava Stipendium Hungarikum 1.doc

 

 

 

Извор: Министерство за образование и наука 

Прочитајте

Мицкоски на средба со дијаспората во Њујорк, да се обединиме во...

0
Почитувани, Претседателот на Владата на Република Северна Македонија Христијан Мицкоски оствари средби со македонската дијаспора во Њујорк, САД. Присуствуваше на вечерната богослужба во чест на светите...