spot_imgspot_img
spot_img
spot_img
HomeСамостојни органиСамостојни државни органиДКСК: Започна мандатот на новиот состав на ДКСК

ДКСК: Започна мандатот на новиот состав на ДКСК

Новоизбраната претседателка на Државната комисија за спречување на корупцијата (ДКСК) Татјана Димитровска и членовите на новиот состав на ДКСК Цвета Ристовска, Софија Спасова Медарска, Бесник Џемаиљи, Билјана Каракашова Шулев, Сервет Демири и Зоран Богоевски, денес, во Собранието на Република Северна Македонија, дадоа свечна изјава.

По давањето на свечената изјава, претседателката Димитровска и членовите на новиот состав на ДКСК, во просториите на ДКСК, одржаа средба со претседателката и членовите на претходниот состав на ДКСК.

На средбата поранешната претседателка Билјана Ивановска и поранешните членови на ДКСК им посакаа успех во работата на новоизбраната претседателка и членови на ДКСК. Воедно, ги информираа за започнатите и реализираните активности, како и предизвиците со кои се соочувала ДКСК во своето работење.

Заеднички беше истакнато дека е неопходно да продолжи континуираниот процес на развој на ДКСК со цел зајакнување на нејзиниот статус како и ефикасно спроведување на нејзините законски надлежности во насока на поуспешно спречување на корупцијата.

Извор: Државна комисија за спречување на корупцијата

Прочитајте

Средба Маричиќ со Јанос Бока: Европската интеграција на Северна Македонија мора...

0
Првиот заменик претседател за европски прашања Бојан Маричиќ денес оствари средба со Јанос Бока, министерот за европски прашања на Унгарија.  На средбата се говореше за...