spot_imgspot_img
spot_img
spot_img
HomeОпштиниБитола: Пролетно разубавување на новиот парк во нова Битола

Битола: Пролетно разубавување на новиот парк во нова Битола

Засадување на нови садници, придружено со весела детска песна и пролетни креации изготвени од вредните детски рачиња, денес го разубавија Новиот парк во Нова Битола, како дел од активностите на општинската акција „Недела на пролетта“.

Јавното претпријатие Комуналец, продолжи со хортикултурно уредување на просторот, а најмладите од ЈОУДГ „Мајски цвет“, во рамките на своите едукативно воспитни содржини, имаа можност директно да се запознаат со придонесот кој може да го даде човекот во периодот на заживување на природата. На овој начин, кај децата се поттикнува и одговорноста, но и грижата за животната средина, која може да биде убава, исто онака како што ја замислуваат и посакуваат најмладите, а денес најдобро ја отсликаа низ изработките направени заедно со нивните учителки.

Со ваквото хортикултурно уредување, кое ќе продолжи и следните денови, Битола добива нов парк, на кој најмногу ќе се радуваат децата, но ќе биде прекрасно место за одмор и прошетка на сите генерации.

Извор: Општина Битола

Прочитајте

Средба Маричиќ со Јанос Бока: Европската интеграција на Северна Македонија мора...

0
Првиот заменик претседател за европски прашања Бојан Маричиќ денес оствари средба со Јанос Бока, министерот за европски прашања на Унгарија.  На средбата се говореше за...