Заменик градоначалникот на општина Битола, Боjaн Бојкоски, ги додели наградите на најуспешните учесници на затворањето на 43 издание на Малиот Битолски Монмартр. Највисоките награди, оваа година беа доделени на: најдобриот учесник – ученик на светската детска ликовна колонија Лау Јун Џи од училиштето „Едноставна Уметност“ од Хонг Конг, Кина, за најдобро училиште беше наградено ателјето на професорот Вејсел Аџар од Трабзон, Турција, а беа прогласени и 12 индивидуалци кои прикажале посебен уметнички пристап во своето творештво.
Општина Битола, традиционално го поддржува Малиот Битолски Монмартр, на кој годинава зедоа учество 21 делегација од 20 држави од светот, а твореа над 120 учесници од вкупно 180 гости.
Извор: Општина Битола
