Завчера се одржа продуктивна протоколарна средба меѓу Министерот за јавна администрација, Горан Минчев и Амбасадорката на Швајцарија, Н.Е. Вероник Улман. Средбата се одржа во Министерството за јавна администрација, каде што двете страни разговараа за продлабочување на билатералната соработка и унапредување на можностите за соработка во јавната администрација.
За време на средбата, Министерот Минчев и Амбасадорката Улман разговараа на низа теми, вклучувајќи реформи во јавната администрација, дигитална трансформација, одржлив развој и размена на најдобри практики во реформите во јавниот сектор.
Министерот Минчев ја истакна важноста на меѓународната соработка за постигнување на целите за модернизација на јавната администрација во државата како и обезбедувањето на јавните услуги кои пред се треба да се ефикасни, транспарентни и достапни за сите граѓани. Тој, исто така, ја изрази својата благодарност за континуираната поддршка и експертиза на Швајцарија во овие области.
Амбасадорката Улман ја потврди посветеноста на Швајцарија за поддршка на иницијативи кои го подобруваат делувањето на јавната администрација, нагласувајќи ја вредноста на споделувањето знаења и искуства за унапредување на ефективноста на јавниот сектор. Таа, исто така, го пренесе континуираниот интерес на Швајцарија за унапредување на заедничките проекти кои придонесуваат за подобрување на условите и зајакнување на капацитетите во јавната администрација.
Средбата финализира со оптимизам од двете страни насочен кон продлабочување на соработката и позитивното влијание што таа ќе го има врз вработените во јавната администрација.
