Со одлука на Владата на Република Македонија, ќе се реализираат пет нови капитални проекти во општина Илинден. Овие проекти се дел од објавениот втор јавен проект и истите се однесуваат на следните активности:
- Реконструкција на коловоз на улица „9“ во населба Илинден
- Изградба на сервисна улица „3“ во Јака
- Изградба на сервисна улица „11“ во Јака
- Реконструкција на локалниот пат Мршевци – Дељадровци
- Доградба на „ООУ Гоце Делчев“ во населба Илинден
Станува збор за капитални проекти кои се дел од програмата за работа на Општина Илинден, а воедно предложени од граѓаните на општината како приоритетни за нивна имплементација, за кои во изминатиот период Општина Илинден изготви целосна техничко – проектна докумантација. Во наредниот период ќе се спроведе постапка за ребаланс на Општинскиот Буџет и ќе спроведат постапките за избор на изведувачи на овие проекти и нивно реализирање на терен.
Реализацијата на овие проекти ќе придонесе за подобрување на патната инфраструктура, уличната мрежа и условите во образованието, со цел унапредување на животниот стандард на жителите на општина Илинден.
Извор: Општина Илинден
