Започнуваме постапка за реализација на едно од клучните барања на жителите од Автокоманда – нова, модерна и функционална амбуланта!
Денес, градоначалникот Бобан Стефковски заедно со Министерот за здравство Азир Алиу, потпишаа договор за соработка помеѓу Општина Гази Баба и Министерството за здравство, со кој јасно се дефинираат обврските на двете институции.
Со овој договор го трасираме патот кон нова амбуланта во Автокоманда, со што старите бараки ќе заминат во историјата.
Во првата половина од следната година очекуваме да започнеме со градежните активности на терен.
Со ова значително ќе се подобрат условите за здравствена заштита, граѓаните ќе добијат поквалитетни услуги, а медицинскиот персонал ќе работи во помодерна и побезбедна средина.
Работиме за граѓаните – одговорно, чесно и посветено!
Ветувањата се реализираат.
Извор: Општина Гази Баба
