Во рамки на новоизградениот парк-плоштад во населеното место Марино, официјално започна новогодишната програма на „Патека на радоста“, реализирана под покровителство на Општина Илинден и во организација на неколку општествено одговорни компании.
Првиот ден на посетителите им понуди богата и разновидна програма наменета за сите генерации. Најмалите имаа можност да се запознаат и да се дружат со Маша и Медо, да уживаат во танцови изведби и да следат извонредно магионичарско шоу. Празничната атмосфера дополнително ја збогати настапот на познатиот македонски изведувач Тони Зен.
Настанот беше исклучително посетен, а прекрасната новогодишна декорација и внимателно осмислената програма придонесоа за вистинска празнична атмосфера исполнета со радост, дружење и позитивна енергија.
„Патека на радоста“ продолжува и во остатокот од викендот, на 27 и 28 декември (сабота и недела), со нови активности и изненадувања. Општина Илинден останува посветена на поддршка и реализација на вакви настани што го негуваат празничниот дух и ги сплотуваат граѓаните.
Извор: Општина Илинден
