Општина Делчево ја информира јавноста дека од понеделник, 9 февруари на сила стапува нов Распоред за одржување на јавното осветлување во кој се јасно пропишани деновите и населбите каде ќе постапуваат екипи од Општина Делчево за навремена замена на старите нефункционални светилки со нови. Целта на оваа нова организација на работата е надминување на досегашните проблеми поврзани со неефикасната замена на дотраените светилки што предизвикуваше и оправдан револт кај граѓаните и навремено и поефикасно решавање на проблемите поврзани со јавното осветлување во Делчево. Се очекува да се подобри видливоста, но и квалитетот на живот на граѓаните, поголема сигурност на граѓанинот и подобрување на безбедноста во сообраќајот во населбите.
Воедно, ги информираме граѓаните дека доколку имаат проблеми со јавното осветлување на улицата каде што живеат, можат да поднесат соодветно барање до Општина Делчево за замена на светилките.
Распоред за постапување за одржување на уличното осветлување
| Ден | Понеделник | Вторник | Среда | Четврток | Петок |
| 1. | Милково Брдо | НовоДелчево, старо Собрание,Пролет-секој вторник прва недела во месецот | Први Реон, Втори Реон, СРЦ-секоја среда прва недела во месецот | Интервентни работи | Села:Нов Истевник,Стар Истевник,Разловци,Тработивиште –секој петок прва недела во месецот |
| 2. | Милково Брдо | Звегорска река, Звегор, Габрово –секој вторник втора недела од месецот | Трети Реон, Стар Расадник-секојa среда втора недела во месецот | Интервентни работи | Села:Град, Вирче, Стамер -секој петок втора недела во месецот |
| 3. | Милково Брдо | НовоДелчево, старо Собрание, Пролет-секој вторник трета недела во месецот | Први Реон, Втори Реон, СРЦ-секоја среда трета недела во месецот | Интервентни работи | Села: Чифлик, Басарица, Полето, Очипала, Студена ЧешмаСекој петок трета недела во месецот |
| 4 | Милково Брдо | Звегорска Река, Звегор,Габрово –секој вторник четврта недела од месецот | Трети Реон, Стар Расадник-секојa среда четврта недела во месецот | Интервентни работи | Села:Драмче,Селник,Бигла, Илиово, Турија и ВратиславциСекој петок четврта недела во месецот |
Извор: Општина Делчево
