Општина Илинден продолжува со реализација на проекти за подобрување на локалната патна инфраструктура, при што деновиве започна реконструкцијата на улицата „111“ во месноста Јака, во населеното место Марино.
Улицата е во вкупна должина од 550 метри и широчина на коловозот од 6 метри и изградба на тротоари со широчина од по 1,5 метри, со што значително ќе се подобри безбедноста и функционалноста на сообраќајот за сите учесници.
Градоначалникот на Општина Илинден, Александар Георгиевски, изврши увид во текот на градежните работи и истакна дека со реализација на оваа улица, ќе бидат комплетно завршени главните пристапни патишта во м.в Јака, што претставува исполнување на нашите заложби за уредување и модернизација на локалната патна инфраструктура во м.в Јака.
Со реализацијата на овој проект, Општина Илинден продолжува со континуирани инвестиции во развојот на инфраструктурата во сите населени места, со цел обезбедување поквалитетни, побезбедни и современи услови за живот за сите граѓани.
ПОГЛЕДНЕТЕ 👀👈
Извор: Општина Илинден
