Во кружната сала на зграда на поранешни општествено – политички организации компанијата “Diaverum” го спроведе вториот дел од едукативниот проект, преку воспоставена соработка со општински училишта и институции во Куманово, посветен на унапредување на здравјето во локалната заедница. Вработените во Општина Куманово беа дел од активноста “Превенција за општинската администрација”, во рамките на која беа спроведени кратки превентивни прегледи, како и поделени едукативни совети за вработените. Целта на оваа иницијатива е промоција на здравите навики и споделување на заедничка порака за грижа за здравјето на граѓаните и заштита на животната средина.
Извор: Општина Куманово
