Во Куманово се одржа презентација на Оперативен план за активните програми и мерки за вработување и услуги на пазарот на трудот за 2026 година.
Во Оперативниот план за 2026 година посебен акцент е ставен на младите невработени лица до 29 години, долгорочно невработените, како и на корисниците на гарантирана минимална помош.
Во овој период активни се три јавни повици во рамки на мерката – Поддршка за самовработување (претприемништво), со 3 подкатегории:
– Поддршка за самовработување за лица над 29 години,
– Поддршка за самовработување на млади невработени лица до 29 години,
– Поддршка за самовработување со здружување на корисници до две лица, за основање на бизнис.
На настанот присуствуваа градоначалникот на Општина Куманово, Максим Димитриевски, претседателката на Советот на Општината , Ивана Ѓорѓиевска,советници, заменик министерот за економија и труд Марјан Ристевски, заменик директор на АВРМ, Весна Пешова и директор на ИНОВА, Даниела Димовска.
Извор: Општина Куманово
