Министерот за правда, Јетон Шасивари, учествуваше на работна средба посветена на имплементацијата на Реформската агенда, на која беше ставен акцент на активностите и обврските што ги преземаат институциите во рамки на реформскиот процес.
Истакната беше важноста од ефикасна координација меѓу надлежните институции и доследно спроведување на реформските мерки, особено во делот на владеењето на правото и унапредувањето на правосудниот систем.
Министерството за правда останува силно посветено на реализацијата на реформските приоритети и ќе продолжи активно да работи на исполнување на обврските што произлегуваат од Реформската агенда, како значаен чекор кон забрзување на европските интеграции и зајакнување на правната сигурност во државата.
Извор: Министерство за Правда
