Градежната оператива ја асфалтира улицата „Козара“ која е дел од проектот за реконструкција на четири улици кај Здравствениот дом.
Претходно беше направена реконструкција на водоводната и канализационата мрежа, што беше финансирано од Министерството за транспорт.
Асфалтирањето на коловозот е со средства од буџетот на Општина Битола во висина од 4 милиони денари.
Должината на коловозот кој се асфалтира е 230 метри.
Од објективни причини во изминатиот период беше забавено темпото на реализација, а како што рече градоначалникот на Битола Тони Коњановски на последниот брифинг со новинарите дека асфалтирањето на улицата „Козара“ ќе биде на почетокот на месецов, така и се случи.
Во наредните денови ќе се асфалтираат и улиците „11-ти Март“ и „Панде Николов“.
Извор: Општина Битола
