Консултативна средба за нацрт-верзијата на Стратегијата за демографски политики 2024 – 2044 година денеска се одржа во Клубот на пратенички на Собрание на Република Северна Македонија со цел информирање и запознавање со процесот за развој на новата Стратегија во присуство на пратеничките.
На консултативниот состанок во рамки на подготовката на документот за демографски политики, чиј носител е Министерство за труд и социјална политика, а поддржан и воден од UNFPA North Macedonia, беа истакнати главните цели, важноста и инклузивниот процес на подготовката на Стратегијата.
Целта на овие консултации е што поширока поддршка и вклученост на државните институции, универзитетите, МАНУ, невладините организации и меѓународните агенции, со клучна улога на пратеничките.
Фотографии: Собрание на Република Северна Македонија.
