Јавниот повик за субвенционирање на граѓаните на подрачјето на градот Скопје за купување велосипеди е завршен.
Јавниот повик траеше од 08.06.2023 до 31.10.2023 година и на истиот аплицираа 1.475 граѓани.
Целта на јавниот повик е стимулирање на граѓаните на Скопје да користат велосипеди со цел подобрување на квалитетот на воздухот во градот.
На јавниот повик можеа да аплицираат сите жители на Град Скопје кои имаа набавено нов велосипед од 01.01.2023 година. Средствата што Градот Скопје ги субвенционира се во износ дo 4.000,00 денари по лице, со вклучен персонален данок на доход.
Градот Скопје за субвенционирањето на граѓаните за купување на нов велосипед издвои вкупно 6 милиони денари.
Извор: Град Скопје
