Државната комисија за спречување на корупцијата, од 01 до 03 ноември, 2023 година, во Крушево, со поддрша на УСАИД и ИФЕС, реализираше работилница за јакнење на капацитетите на тимот на која учествуваа претседателката и членовите на ДКСК како и вработените во Секретаријатот на ДКСК.
Целта на оваа работилница беше јакнење на капацитетите на тимот на ДКСК и на учесниците да им обезбеди можност за намерни и структурирани интеракции поврзани со Етичкиот кодекс на ДКСК преку серија на кратки теоретски инпути и интерактивни тимски и групни активности кои ќе ја зајакнат меѓусебната доверба и почит, единството, креативноста, мотивацијата, критичкото мислење и решавање на разни проблеми и предизвици. На овој начин вработените меѓусебно се поврзуваат, подобро комуницираат и пронаоѓаат дополнителни мотиви и причини за постигнување на подобри резултати.
Работилницата се состоеше од три тематски блокови: самодијагностичка сесија за идентификување на типовите на личноста на учесниците, серија групни активности за решавање проблеми фокусирани на аспекти кои се однесуваат на основните организациски вредности и интерактивна групна рефлективна сесија за зацврстување на искуствата на учесниците и посочување на клучните точки на учење.
