spot_imgspot_img
spot_img
spot_img
HomeОпштиниВелес: Пуштено во употреба Езерцето во Градски парк

Велес: Пуштено во употреба Езерцето во Градски парк

Со настапот на најмалите велешанчиња, децата од Детската градинка „Димче Мирчев“ , свечено беше пуштено во употреба новоизграденото езерце во Градскиот парк.
На настанот што го организираше Општина Велес присуствуваа Градоначалникот Коцевски, пратеникот Игор Здравковски, членови на Советот на Општина Велес, директори на јавни институции основани од општината, граѓани.
Градоначалникот Коцевски изрази голема благодарност до членовите на Советот на Општина Велес и на вработените на Јавното комунално претпријатие „Дервен“за изградбата на ова прекрасно катче.
„Би сакал да кажам дека ова место кое до пред извесно време беше прилично запоставено иако некогаш беше култно место кое повозрасните го паметат по Црвенкапа, го претворивме во едно убаво катче во кое верувам дека ќе уживаат пред сѐ, најмладите, дечињата, а потоа и повозрасните, дека тука ќе се случуваат многу убави моменти, ќе никнуваат нови пријателства, другарства, се разбира и нови љубови“, рече Коцевски.
Езерцето се протега на површина од 1000 квадратни метри, се користи природна изворска вода, просторот околу него е хортикултурно уреден збогатен со клупи и корпи за отпадоци. За изградба на езерцето Општина Велес обезбеди финансиски средства од сопствениот буџет, преку Програмата за заштита на животната средина за 2020 година, во висина од 2.000.000 денари.
Денешниот настан дополнително беше збогатен и со изведбата на децата од балетското студио „Анабела“.
Свеченото отворање на езерцето беше во пресрет на Светскиот ден на животната средина, 5 јуни.
Градоначалникот Коцевски упати апел до сите граѓанки и граѓани да го чуваат ова прекрасно катче како свое, затоа што, не само што имаме право да живееме во здрава и чиста средина туку имаме и обврска да ја чуваме и заштитуваме.

Извор: Општина Велес

Прочитајте

Јегуновце: Работна посета низ повеќе населени места

0
Градоначалникот на општина Јегуновце беше на работна посета низ повеќе населени места во општина Јегуновце каде направив увид на започнати проекти: Во завршна фаза е...